“Децата треба да се научат како да мислат, а не што да мислат.” – Маргарет Мид

“Децата треба да се научат како да мислат, а не што да мислат.” – Маргарет Мид

Мали Истражувачи е програма специјално прилагодена малите умови на децата на возраст од 3 до 5 години. Во овој клучен стадиум на развој, негувањето на љубопитноста и поставувањето на цврста основа за доживотно учење се од суштинско значење. “Мали Истражувачи” е дизајнирана да запали искрите на љубопитноста кај нашите најмлади ученици, водејќи ги низ фасцинантниот свет на науката, технологијата, инженерството и математиката со нежен, стимулативен и игрив пристап кој директно допира до нивната имагинативна и љубопитна природа.

“Мали Истражувачи” нуди сеопфатена програма кој ги покрива клучните домени витални за раниот детски развој, обезбедувајќи холистички пристап за негување на когнитивниот и интелектуалниот раст и развој на секое дете. Нашата програма се фокусира на:

Когнитивен развој: Преку ангажирачки, соодветни едукативни игри и активности, стимулираме развој на когнитивни вештини, охрабрувајќи ги малите да го разберат светот околу нив на структуриран, сепак игрив начин.

Прочитај повеќе

Биби и Боби ја поттикнуваат љубопитноста кон науката и технологијата

Не постои покреативен ум од оној на децата од претшколска возраст. Тие се нашите сонувачи. Гении за кои не постои препрека да се обидат да го претворат сонот во реалност.

Затоа оваа програма има цел да ја негува и да ја поттикне нивната креативност, како и нивната неизмерна љубопитност. Да им даде знаење како од замисла да дојдат до вистинско решение. Преку научните сказни и авантурите на Биби и Боби, на нашите мали сонувачи им ја откриваме магијата на науката, уметноста и технологијата.

Ги воведуваме во 40 основни теми од областа на биологијата, физиката, хемијата, математиката, инженерството и технологијата и во магична лабораторија на Биби и Боби им ги откриваме природните појави, процеси и закони. На тој начин им создаваме подлога, основно разбирање на сложените образовни концепти.

Големиот Бенџамин Френклин рекол: „Кажи ми и ќе заборавам. Научи ме и ќе запомнам. Вклучи ме и ќе научам.“

Токму тоа е и целта на Магичната лабораторија на Биби и Боби. Преку вклучување во реални проекти, истражување, експериментирање, анализирање,  интересни игри и активности им ја откриваме практичната примена на теоретската содржина.

Биби и Боби нѐ водат по патот до генијалноста

Талентот можеби е вроден. Но работата на развивање на тој талент е она што нѐ прави гении

Еднаш кога основите се добро поставени, преку Магичната лабораторија на Биби и Боби ПЛУС подлабоко ги воведуваме децата во светот на науката и технологијата.

Се осврнуваме на поконкретни знаења, вештини и проблематики од природните науки, математиката и технологијата.

Со цел да им дадеме посуштинско знаење, ги воведуваме и новите теми како астрономија, електроника, ботаника, анатомија, геометрија, хемиски реакции…

Низ новите 40 теми што се обработуваат во Магичната лабораторија на Биби и Боби ПЛУС работиме на огромен број експерименти и реални проекти, изработуваме интересни игри и забавни активности.

Прочитај повеќе

Не можете да создадете цврста градба на слаби основи

Програмата „Научните авантури на Оливер“ е наменета за повозрасни деца.

Во оваа програма малиот гениј, 10-годишниот Оливер, длабоко ги воведува децата во светот на науката. Преку факти, информации и решавање конкретни проблеми подлабоко ги разјаснуваме темите од областа на природните и техничките науки.

Со неговиот весел и енергичен дух, Оливер умее на забавен, поедноставен и лесен начин, преку интересни мозочни и логични игри и техники, преку конкретни проекти и тимска работа, да ја раскаже и најсложената проблематика од спектарот теми опфатени со СТЕАМ-едукацијата.

Ако низ претходните две програми децата прво набљудуваа решенија, па потоа ги повторуваа, со програмата „Научните авантури на Оливер“ од само набљудувачи ги насочуваме да бидат самостојни инвентори и креативци.

Генијот кој нѐ поттикнува да го најдеме нашиот повик

Секој од нас е гениј. Ама доколку судиме на рибата по нејзината вештина да се качи на дрво, таа целиот свој живот ќе го помине мислејќи дека е недоволно паметна

Програмата „Научните авантури на Оливер ПЛУС“ има цел да ја разбере и насочи слободоумната мисла на нашите ученици. Откако веќе добро се потковани со знаењата од сите дисциплини од СТЕАМ-спектарот, фокусот и вниманието ги насочуваме на темите кои се од најголем интерес на секое дете поединечно.

Ако во претходната програма самостојно размислуваа и бараа логика како да дојдат до едно решение, тука ги поддржуваме самите да создадат идеја и да ја преточат во проект – реален и дигитален.

Така, ги слушаме нивните идеи, ги поддржуваме и ги тестираме во нашите лаборатории. Му дозволуваме на детето да биде свое. Согласно она што е негов најголем интерес, без разлика дали е од областа на хемијата, физиката, уметноста или математиката, правиме проект кој ќе ги задоволи неговите апетити и воедно ќе ги тестира природните и техничките закони и процеси.